Vijaya Yatra for Sri Sri Anna

ஶ்ரீஶ்ரீ அண்ணாவின் கோலோக விஜய யாத்திரை முதல் வருட பாகவத ததீயாராதனை, ஸ்வஸ்திஸ்ரீ க்ரோதி வருடம், ஆவணி மாதம் மூன்றாம் தேதி (19-08-24) அன்று கோவிந்தபுரம் சைதன்ய குடீரத்தில் ஸ்ரீஸ்வாமிஜி முன்னிலையில் சிறப்பாக நடந்தது.

நூற்றுக்கும்மேலான பாகவதர்களுக்கு சிறப்பான வரவேற்பும், பாதபூஜையும், ததீயாராதனையும் சிரத்தையாக செய்யப்பட்டது. காலை 10மணியளவில் பாகதவர்கள் ஶ்ரீ பகவன்னாம போதேந்திர ஸரஸ்வதி ஸ்வாமிகள் அதிஷ்டானத்தில் ஶ்ரீஶ்ரீ அண்ணா அருளிச்செய்த குரு கீர்த்தனங்களை பாடினார்கள். பிறகு 10:30 மணியளவில் அனைத்து பாகவதர்களும், சத்திரசாமர-யானை-ஒட்டகம்- குதிரை முதலிய ராஜ உபசாரத்துடன், ஶ்ரீ பகவன்னாம போதேந்திர ஸரஸ்வதி ஸ்வாமிகள் மடத்திலிருந்து சைதன்ய குடீரம்வரை, தெரு முழுவதும் அலங்கார பந்தல், சிகப்பு கம்பள விரிப்பு, வான வேடிக்கையோடு ஊர்வலமாக அழைத்துவரப்பட்டனர்.

சைதன்ய குடீரத்தில் பூர்ணகும்ப மரியாதையுடன் சிறப்பான வரவேற்பு வழங்கப்பட்டது. அங்கு அவர்கள் ப்ரேமிக ஜகன்னாதர் சன்னதியில் அஷ்டபதி பஜனை செய்தார்கள். அனைத்து பாகவதர்களுக்கும் சிறப்பாக பாதபூஜை செய்யப்பட்டது. ப்ரேமிக ஜகன்னாதருக்கும், சைதன்ய-நித்யானந்தருக்கும் பூஜை நடந்தது. பிறகு பாகவத ததீயாராதனை விமர்சையாக நடந்தது. பாகவதர்களின் ததீயாராதனைக்கு பிறகு பக்தர்கள் அனைவரும் ப்ரசாதம் எடுத்துக்கொண்டார்கள்.

இவ்வாறாக ஶ்ரீ ஶ்ரீஅண்ணாவின் கோலோக விஜய யாத்திரை முதல் வருட பாகவத ததீயாராதனை இனிதே பூர்த்தியானது.